أختي العزيزة لو ربنا فك عقدتك واتخطبتي
فإليك نصائحي حتى تأخذي بخطيبك من مركب الخطوبة إلى مثوااااه الأخير في قفص النسانيس
قصدي قفص الزوجية السعيد
أجمل ما في الخطوبة العزومات الرومانسية على أحلى محلات أكل فى البلد
واللي عمرك ماهاتشويفها بعد الجواز
المهم نصائحي لك عند أي عزومة مع خطيبك
1- ألشوكه والسكينة
الأول لازم تعرفي إن الشوكة والسكينة ويتمسكوا من إيديهم
من الطرف يعني مش من الوسط ولا من البوز زى الخنجر ولا من فوق طبعًا
2- العيش
العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي
العيش بيتقطع بالسكينة فى الطبق وبعدين تاخدي لقمة
لقمة بالعافية قال يعني نفسك مسدودة
اضغطي على أعصابك جدااا
وبعدين لما تروَّحي إبقي حِفِّي زي مانتِ عايزه
3- الشوووربة
بند الشوربة هذا مهم جدًاااا
أبوس رجلك الشوربة تتشرب من غير صوت أبدا ومن غير ماتقعدي تنفخي فيها زى القهوجى اللي بينفخ فى حجر للزبون
وطبعــاً عاوز منك تنسى تماما السلطانية اللي بترفعيهاعلى بقك ف البيت وتدلقي على حالتك
بالمعلقة وبدون صوت
سخنة ولعة برضو بدون صوت
وتسيبي تلت الطبق ع الأقل مش تميليه عشان تلهطيها لآخر نقطة
4- الرز
طبعاً بيتاكل بالشوكة أوعي إيدك تتمد ع المعلقة وتغرفي من طبق الرز وتعبي
إوعي
الرز بالشوكة وكأنك بتبوسيه مش بتاكليه
5- المكرونة
الاسباكتي برضه بالشوكة تتلف على طرف الشوكة
لحد ما تخلص وبعدين تحطيها فى بؤك من سكات
مش تشفطي المكرونة عود عود
6- السمك
مشكلة
شوفي
بتفصلي اللحم عن الشوك ..كيف؟؟
تقطعي اللحم من النص بالطول وبعدين تفردي اللحم ع الجانبين ولما تخلصي ناحية
متقلبيش السمكة.. بلاش فلاحة
شيلي السلسلة بالشوكة والسكينة وحطيها ف جنب الطبق وكملي أكل النص التاني
وبدل الفيلم الهندي ده نصيحة ماتكليش السمك أبدا
قولي مابحبش السمك وخلصي نفسك
7- الجمبري
إذا كنتي عارفاه
أول ماطبق الجمبري ينزل.. بصى عليه بقرف واحتقار شديد
آل يعني زهقانة من كتر أكل الجمبري ف بيت بابـا
وأتنهدي كتير وقولي.. كمان؟؟؟
وتروحي قاطعة راس الجمبرياية بالشوكة
أنا فى عرضك إنسي المصمصة الجمبري في هاد الوقت
8- البطاطس
سواء مسلوقة أو محمرة
أوعي تهرسيها وتدبيها على الرز وتنزلى أكل
لا..لا...لا
بالشوكة قطعه قطعه وإنتى زى ما تكوني هاتعيطي من كتر ما البطاطس صعبانة عليكي
9- الفاكهة
لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة
وبعدين فى طفاية السجاير اللي على الترابيزه
أوعي يا حبيبتي من نظام التفتفة للبذر إنسي
10- لما تخلصي
ولما تخلصي أكل تحطي إيدك على بطنك
اللي عصافيرها بتصوصو من العينات اللي كلتيها.. وتقولي له مش ممكن
أنا عمري ما اتفجعت كده أنا قدامي أسبوع لما أكل تانى وبعدين تمسكي الفوطة اللي دايمًا موجودة على الترابيزة من غير لازمة وتبوسيها آل يعني بتمسحي بؤك
وبعدين تستأذني منه لدخول التواليت لإصلاح ماكياجك
وادخلي التواليت وتطلعي من شنطة إيديك
لغة فلافل اللي جايباها معاكي ودوسى
