جاوب بصراحه؟؟؟

االسلام عليكم ورحمه الله وبركاته
االموضوع بسيط جدا سؤال وتجاوبوز عليه بس بصراحه

نبدا بالشباب

هل توافق ان اختك تكون معاك في نفس المنتدى؟ولماذا؟

بالنسبه للبنات

هل توافقى ان اخوكى يكون معاكى في نفس المنتدى ؟ولماذا؟

بالنسبه بقي للمتجوزين

هل توافق او توافقى ان جوزك او زوجتك تكون معاك او معاكى في نفس المنتدى؟ولماذا؟؟؟؟؟؟؟؟؟؟

انا عارفه انها اساله رخمه شويه بس بجد عايز اعرف رائ كل واحد فيكو

يلا بقي مستنيه اجوبتكم

تحياتى
الاموره

قبل ما أتكلم فى اى حاجه الأول احب أقولك أيه الأسئله
دى وليه بس تعرفى انا بحب الأسئله من النوع ده

وانا يشرفنى انى أكون أول واحد يجاوبك

بصى يايستى بالنسبه ليا انا رافض أصلأ

ان اختى تخش على النت عمومأ مش المنتدى وبس

ولو حاولت همنعها بس من ناحيا تانيه

انا لو فى منتدى كل الناس فيه

بتحب بعض وكلهم كأنهم عيله واحده وأٌقدر أثق

فيهم كلهم هعلمها تخش المنتدى دى بس

لأنى هطمن عليها وهيا فى وسطهم بس

للأسف لسه ملقتش منتدى كده

أصلأ وممكن ملاقيش

واحييكى على السؤال ده

يـــا أمــــــــوره

وياريت مكنش صدعت دماغك

وهستنى منك أسأله تانى

وسلامى قبل كلامى

mode

اولا السؤال شيق جدا

ونقاش حاير الناس كلها

ومش عارف ليه

ماله النت

وليه مشكله

واشمعنا احنا الشعل بالمصري الوحيد اللي عامل مشكلة عليه

هل يمكن عشان مش عارفين نعمل ايه او مش بنستغل النت كويس في حاجة مفيده

على العموم انا هارد على السؤال اللي يقصدني

هل توافق او توافقى ان جوزك او زوجتك تكون معاك او معاكى في نفس المنتدى؟ولماذا؟؟؟؟؟؟؟؟؟؟

بصي يا ستي

انا موافق طبعا ان زوجتي او بنتي تدخل النت

على الاقل هاتفيد وتستفيد

بمعني اصح

كل اللي عايزة تعرفه هاتعرفه

وكل افكارها وارائها ومناقشاتها لو طرحتها اكيد هتلاقي رد يفيدها

وع فكره

انا بنتي ككانت مشتركة في منتدى وانتي عارفاه

وكانت مسجله باسم سهر الليالي

واتعلمت حاجات كتير وهي لسه عندها 11 سنة

تخيلي بقا بنت في السن ده دلوقتي
لما تكبر بعد ماتكون عرفت معلومات اكتر واكتر هاتصبح ايه

وهاتكون ايه

انا متوقع ليها مساقب جميل جدا هي واخواتها

يارب اكون وفقت في الرد على الموضوع

بسم الله الرحمن الرحيم
اما بعد
فلقد سألتى أسألة فى غاية الاهمية فى غاية الخطورة
ونلمح فيها ..انها اسالة محرجه
ولكن
العلاقات الانسانيهدائما ما يحكمها عدة عوامل
اهم تللك العوامل هو الثقة المتبادله بين الطرفين
وعلى الرغم من ان اختى او زوجتى ليست لهم علاقة وثيقه بالنت والمنتديات
ولكنى اقولها بكل صراحة
نعم اقبل ان يتواجدوا فى اى منتدى
يرغبون المشاركة فيه وسأكون داعماً لهم فيما يكتبون
ومسانداً لهم ضد اى عوامل تمنعهم من الاستمرار فى الكتابة
انها الثقة ولا شيئ سواها
بل واكثر من ذلك اقبله
مثلاً ان يكون لها اصدقاء على الايميل من الجنسين
تقبلى مشاركتى ولكى منى جزيل الشكر
على طرحك الموضوعى والفكرة الجميلة

بالنسبة ليا وفيها اية ان اخويايقعد على النت ويدخل على نفس المنتدى احنا بقينا فى عصر الحرية والمفروض يقعد براحتة عادى جدا انا فى القرن الاواحد وعشرين يعنى عصر الحرية انا شايفة مفيهاش حاجة

ميرسى ياجماعه على مشاركتكم وردودكم الجميله
على موضوعى وان شاء الله
انتظرو المزيد

أيوه انا لو ليا اخت كنت خليتهاتقعد على النت وكنت علمتها كمانوكنت هثق فيهاعلشان الحجات ديه ثقه

بسم الله الرحمن الرحيم

انا في بدايه الموضوع لو ليا اخت اسيبها حره تعمل اللي يعجبها انما لو اخت رخمه اقول لا انتي بنت المفروض لا ده خارق لقوانين البنات انها تكون مع شباب في منتدي واحد وانا مش هقولكو علي النت واللي بيجي من وراه
وشكرا

م ع

nigth mare

انا الوحيد اللى هاختلف معاكم فى موضوع الحرية
اللى انتو بتقولو علية
من الطبيعى انى اخاف على اختى
ومن الطبيعى انى اغير عليها جدا وانى امنعها تعمل اى حاجة ممكن فى يوم من الايام تكون سبب فى جرح
ليها
هاتقولولى ويجى منين الجرح
اقولكم انا البنات دائما وابدا بتور على الحب والامان فى كل شيئ
بتور علية فى كل شيئ
وفى من الخداع فى عالم النت والمنتديات ما يكفى لخداع اعظم واكثر الناس زكاء
فما بالك بفتاه تبحث عن الحب والرومانسية فى عالم
غريب لا تعرف فية الخير من الشر
هو عالم الانتر نت
والمنتديات والشات
هذا العالم الذى يصعب فهمه
عالم يلا تدرى من يحدثك وهل هذه كلماتة ام انها كاذبة
فكيف اتركها فى عالم بهذا الغموض لكى تجرب الجرح بنفسها
اظن انى اذا تركتها سأظل نادما على تركى لها حين جرحها
ولكنى سأشرح لها الموقف وسأشرح لها خطورتة واذا سألتنى لماذا دخلت هذا العالم
وانت تعرف كل هذا
سأقول لها انا غير الناس جميعا
انا لا اكزب ابدا ولا اتجمل ولا احب من هذا العالم
الناس جميعا يمثلون لى اخوة
احب ان افيد العالم واستفيد
وهذا هو غرضى
لكن منتتدى رقة روح
ممكن اخليها تدخلة علشان كل اللى فية اصحابى واخواتى
بنات رقة روح انا عارفهم كلهم محترمين
والشباب كلهم اخواتى واصحابى
بس لكن اى حاجة تانى هاقنعها لاول انها مش هاتنفعها بحاجة
وممكن جدا تضرها
اسف على الاطالة
وشكرا على موضوعك
اخوكى

magek

هل توافقى ان اخوكى يكون معاكى في نفس المنتدى ؟ولماذا؟

نعم اوافق جد انة يكون معايا في المنتدي

احس بامان اكتر

مرسى يا قمر على أشتراكك معايا
فى الموضوع
وأتمنالك كل خير
أختك الاموره

موضوعك جميل للمناقشة

واسمحيلى بالرد
اول حاجة احنا هنا اسرة واحدة كلنا
عشان كدة بنجاوب بعض بصراحة
ثانيا
انا بنتى عندها 7 سنين وبسبها تدخل وتتعلم وبلاقى انها عندها معلومات اكتر منى
وبعدين اى اسرة هتمنع البنت من دخول النت او تمنعها عن اى حاجة
انا بقول الحاجة الممنوعة مرغوبة
ممكن تدخل من اى مكان من ورايا ممكن يكون حب استطلاع للحاجة اللى احنا حرمنها منها
وممكن لو تدخل من الموبيل زى مابنات كتير بتعمل
عشان اهلها مشددين عليها
واحنا فى زمن دلوقتى البنت لو فى ادمها اى حاجز ممكن تكسرة عشان تعمل اللى هية عايزاة
وعمرى طبعا ما هوصل مع بناتى بالاسلوب المتخلف دا
وطولت عليكى وتقبلى مرورى
كلنا جوبنا وبصراحة كاملة
السؤال ليكى بئا يا عسل
هل من الممكن ان تدخلى اخوكى على اى منتدى انتى مشتركة فية او منتداكى الخاص ؟ ارجو منكى الاجابة وبصراحة

» جاوب بنعم أو بـ لا فقط