اغبى تجربة فى حياتكم

بسم الله الرحمن الرحيم
انهردة انا جايبلكم فكرة موضوع بس مش انا اللى هعملة كلة
انا عملت الموضوع وجبتهولكم انتم تكلملوة
بصو بقا
احنا طبعا فى رقة روح بنتميز بالذكاء فعلشان كدة
مطلوب من كل واحد يدخل يقولى اى اكتر تصرف عملة بغباء شوية او من غير تفكير الكل يقول وميتكسفش

انا هبدأبنفسى
انا مرة جبت الترمومتر وحطيتة فى شوربة سخنة جدا وكنت عايز اشوف اى اللى هيحصل والحمد لله شوفت

هههههههههههههههه
بجد موضوع جميل
وانا هقول محدش يضحك عليا
مره كنت جايبه خط جديد غير الى معايا
وحطيته في تيلفون بابا ورنيت على نفسي
ببص في تيلفونى لقيت رقم رديت على نفسي
وبعدها قعدت اضحك على الى عملته
انا محدش عرف الموقف دا ابدا غير دلوقتى قولته

تسلم يامودى على مواضيعك الروعه
تقبل مرورى

ما هو انتى اللى غلطانه كنتى أتصلتى
على الرقم فى وقت
غير مناسب كنتى أتصلتى بدرى شويه
أشكرك يا أموره على مرورك
ومكالمتك الجميله دى
وأنا عارف انى رخم شويه فى مواضيعى
استحملينى ومين ياترى اللى هيبقى الرد الجاى

اغبى تصرف عملتو فى حياتى
كان قدامى كوب شاى وكوب ماء نار كنت بنضف شيئ من التراب
وغلطت وكنت هاشرب مية النار بدل الشاى

هههههههههههههههههههههههههههههههه
ههههههههههههههههههه
ههههههه
ياراجل مش عارف تفرق الشاى من مية النار
بس تصدق لو انت كنت نفخة شويه فى مية النار
كانت بردت بس أيه أحساسك لو كنت شربت مية النار
كانت هتبقى شخنه شويه
أشكرك يا وتر على مرورك الجميل ده
اللى نور موضوعى

كنت رايح لواحد صاحبى وكل اللى كنت فاكرة ان كان فى حمار وعربيه كارو ماركونة تحت البيت
دخلت الشارع وماشى
!!! با بص ملقيتش العربية!!!
ولا الحمار
ولا عارف اى حاجة من غيرهم
قعد اسئل هو فى حمار بيتركن هنا
محدش عارف اى حاجة
المهم ببص ورايا لقيت العربية بتاعة الحمار ماشيه بعيد جريت ورا الراجل اللى سايق
بتاع كيلو والله
اول مالحقتهم بقول للراجل انت بتركن فين ياعم انا بدور عليك من امبارح
الراجل تنح كان عايز يتف فى وشى
ويقلى انت مجنون ولا اية
وانا احاول افهمة
ان هو بيركن تحت بيت صحبى
وهو يقلى العب بعيد يا كبتن وماتهزرش
انا مصدع والشمس ضربانى طول النهار
وفى سرة عايز يدينى بالجزمة
وفى الاخر ركبنى معاه لما زهق منى
ورمانى تحت البيت
انا وانا نازل والله كنت عايز ابوس الحمار بس اتكسفت بقى انتو عارفينى
باتكسف مووووووووووووووووووووت
احلى موضوع يامودى
هو دة الغباء اللى على حق !!..
مستنيك ترد يابو على
وتموتنا من الضحك
تييييييييييييييييييييييت

الله الله الله
معلم البيت بالحمار أنت اللى غلطان جيت للحمار فى وقت شغله

كنت اول ماعلمت البيت بالحمار كنت عرفت مواعيد الحمار أيه

والحمد لله انك لقيت الحمار قبل ما يمشى

وشكرأ يا ماجيك على مرورك
ومشركتك فى موضوعى الغبى

اعزرونى انا اول مشاركة ليا
هاتبقى بردين اصلى اول ماشوفت الموضوع افتكرت 100 موقف مضحك
هههههههههه

واول موقف هايكون لواحد صحبى
ولع فى نفسه
كنا انا وهوشغالين فى عربية الكلام دة يجى من 20 سنه
كنا شغالين فى عربية انا وهو كانت عايزة تترش دوكو كنا شباب وبنشتغل فى اى حاجة انا وهو
بعد ماخلصنا وغسلنا ادينا بالتينر هو مسح ايدو فى البنطلون بتاعة
وكان اصلا غاسل ايدو جنب كاوتش العربية
المهم جه يولع سيجارة ايدو ولعت بيطفيها فى البنطلون البنطلون ولع
وواقف جنب فردة الكوتش الكاوتش ولع وانا سيبتة جريت
وفضلت اضحك ساعة مش قادر امسك نفسى
دة الرد الاول
اما عن الرد تانى عنوانة
حد يشد الفيشه يابهايم)))م)))
فى نفس الزمن اللى حكيت فية الحكاية الاولنية وكان معايا نفس الراجل الاولانى
و3اصحابنا تانين
المهم انا واقف ورجلى فى المية ودة طبيعى العربية لسه جاية ولازم قبل اى حاجة تتغسل
وكنا باليل ولازم نولع لمبة باكهربا جنبنا المهم ماطولش عليكو الكهربا مسكت فيا
والدنيا اتقلبت حوليا
وكل واحد يجى ينقزنى يتكهرب ويجرى
وكل ماواحد يجى ينقزنى يتكهرب ويجرى
والله دمى نشف اكتر من 10 دقايق
حرام الشارع كله حاول وجرى
واللى ماحولش واقف يتفرج
عليا وانا برقص
لحد ماخرجت عن شعورى
وصرخت باعلى صوتى
)شيلوووووووووووووووو الفيشه يابهاااااااااااااااااااايم)
واخيراً واحد حاول وماجريش وشال الفيشة
طبعا انا وقعت
بقالى ربع ساعة تحت التعزيب
بازمة دة غباء من مين؟؟؟

هههههههههههههههههههههههههههههههههههه
ههههههههههههههههههههههههههه

ههههههههههههههههه

هههههه

أنا بقى هقولك وأجاوب عليك فى السؤال

اللى انت ترحته

ده يافارس غباء من الأخرين مش منك

وياسيدى شكرأ على المواهب دى كلها بس أنا لو منك

انا كنت هستغنى عن صحابى دول بعد كده

داأنا ياراجل أخاف على نفسى منهم

وعلى العموم كان نفسى يكون الموضوع انت اللى عامله

بس بعد ما شوفت الموضوعين دىل

مش عايز أعرف حاجه تانى كفايه كده

ياسلام يامودى على موضيعك
الجامدة دى انا هقولك بس متدحكش عليا
انا دخلت المطبخ عندنا وكنت بعمل شاى
رحت صبيت الشاى على بطنى بدل ما اصب فى البراد

اخيييييييييييييييييييييييييييييرا

جيت يا فارس

هاقول بقا على موقف من مليون موقف حصل معايا انا وفارس ومن زماااااااااااان اوي

كنا شغالين بنرش سياره دوكو
وكنا بنلزق العربية وغطينها بالورق
وجت معزة شده طرف الورق وجيه البيه فارس بيجري ورا المعزة والمعزة تشد اللزق وتلف ورا العربية لحد ما العربية اتعرت خااااالص بعد عذاب تلزيق ورق اكتر من تلات ساعات

الموقف الثاني

كان عندي حوالي تسع سنين

وكان فيه حوض سمك

وعرفت ان فيه سمكه منهم حامل واستنيت انها تولد

وصاحب محلات سمك الزينة قالي اودامها يومين تلاته وتجيب سمك صغير كتير

جيت انا في اليوم التالت لقيت السمكه بتجري في الحوض كتير اوي

جبت مية سخنة

وحطيت السمكه فيها

واستنيت انها تولد ما ولدتش
لقيتها اتسلقت

ايه ياجدعااااااااااااان انتو جاين هنا تسيحو لبعض ولا أيه
ههههههههههههههههههههههههههههههههه
هههههههههههههههههههه
هههههههه

MODE

دايما يامودى بتفاجئنا بحاجات جميله
اتمنى لك التوفيق

بدايه احب ارد على الفارس هو بيسأل مين الغبى أو الغباء من مين
والله مش من الشخص اللى كان معاه فى الموقفين
اجاوب وأقول ان الغباء آسف الغلط منه هو لان ماكنش لابس جزمه أو اى حاجة عازله
وهو كان مستعجل علشان كنا عاوزين نجهز الشنط علشان كنا طالعين رحله نيليه فجر تانى يوم
وكان بيكروت الشغل قدام عينى وعلى يدى ( عرفت مين اللى كان معاه فى الموقفين)
مممممممم يييييييييييي دنا وقعت ( أظن ده الغباء بعينه )
اما الموقف اللى من ضمن مئات المواقف
هو ان انحنا كنا فى رمضان تمام وواحد حب يعمل كنافه لعياله ( اللهم احفظنا )
عمل الكنافه تمام وحطها فى الفرن والفرن مشتغلش من 1500سنه ييعنى مستنقع حشرانروصراصير
المهم مش عاوز اقرفكم ولا اطول عاليكم قلتله قبل ما تحط صينية الكنافة ظبط الفرن قاللى لأ تمام
وحط الصينيه وبعدين شغل الفرن مع ان المفروض الفرن يشتغل قبلها ب 10 دقايق

المهم بعد ما حط الصينيه وولع الفرن وحوالى 10 دقايق شمينا ريحة غريبه قولتله ايه الريحة دى
قاللى لألأ عادى الريحد على طول كل لما اولع البوتاجاز
وبعد ما الكنافة استوت ومنينا نفسنا بأحلى طبق كنافة بعد صيام اليوم بطوله
وراح صاحبى يفتح البوتاجاز وأخرج الصينية وهو يمصمص شفتيه استعدادا لالتهام
مافى الصينيه فوجدا والله والله والله 3 فئران مشوين على وش الصينيه وهما كانو سبب الريحة الكريهه
وانا مابكدبش وحياة رب( النبى )واتمنى ان يكون (فارس) فى صناعة الكنافه
وشكرا شــــــــــــا عــــــــــــــ الرقة ـــــــــــــــر

قبل مااكتب ارد على اتنين ابو على والماجيك بد التحيه والسلام
ياابو على الحق عاليك المفروض قبل ما تحط الميه السخنه كنت اتاكت انى القرن طش ولا لسه والراس
باينة ولالأ وكمان كنت شورت نينه ام عادل فاكرهااااااااااااااااااااااااااااااااااااااااااااااااااااااااااا ولا نستها
ياستاذ جوكر سلام وتحيه انت مش غلطان واللى يقول عاليك انك اسف غبى يبقى هو اللى غبى بقولك
صحيح هو حمار ولا حمارة أصل بتنا كنت معلمة بحمارة كانت واقفة جنبه ولا لاقىالحمارة ولاالبيت
من اكتر شهرين ربنا يسترها معانا انا وانت وادعيلى الاقى البيت او الحمارة
الموضوع بتاعى معلش هو طويل لاك هايعجبكم
كان عندى حوالى 16سنا وكان خالى على وشك الدخله وحصلت مشكله بينه وبين باسيبه وكانت الجوازة هاتتفشكل
خالتى راحت لواحدة دجاله بالمنديل بتاعه قالتلها الدجاله انا صاحب المنديل دة معمله عمل العجز وهايبان ليله دخلته
وراحت خالتى وبلغته قالها دى ست نصابه وبنت كذا وكذا المهم ربنا هدى الحال
وفى الدخلة وبعد الفرح امى سألته وهو طالع الشقه وهو ساكن فى الدور السادس انت عندك ليمون قالها ايه
علشان لما ربنا يكرمك تسقى العروسه شوية ليمون علشان الخضة طبعا فاهمين
المهم قالها لأ ماعنديش
قالتله ماشى المهم خللى بالك
ولما روحنا البيت امىعندنا فى الثلاجه ليمون قالتلى بسرعهودى ده لخالك قولتلها ياما عيب الراجل لسه داخل
قالتلى مش المهم كنت مكسوف جدا ففكرت فى طريقة أعمل ايه أعمل ايه
فكرت ولفيت الليمون حوالى 5 أو 6 لامونات لفتهم فى كيس اسود وبعدين لقيت حته قماش سودة قديمه روحت لاففها فيا وبعدين طلعت لحد الشقة فى السادس وكنت خالع الجزمه وربط الليمون وهو ملفوف مش باين فى اوكرة الباب
ورنيت الجرس ورحت نازل على السلم جرى جرى جرى لما نزلت الشارع جريت من تحت البلكونات
خالى لما فتح الباب وخرج برا الشقه وبص من بير السلم ماشفش بييييييييييييبص لاقى المربوط فى اوكرة الباب
قال هو دة العمل وخاف يلمس الباب وقال لعروسته افتحى الباب التانى ( بتاع حجرة الجلوس )
ودخل الشقه وهو مرعوب وساب باب الشقة مفتوح طول الليل وهو قاعد قدامه ولا دخل ولا عمل حاجة ( لاموأخذه)
وطول الليل هو قاعد قدام الباب يقرأ قرآن وهى يعينى يا عينى فى حجرة النوم بتندب حظها ان ربنا واعدها بواحد
ابن اخته غبى مثلى
المهم رحنا نصبح عاليه لاقيناه قاعد قام الباب من جوه وأخيرا عرف ان الكيس فيه ليمون مش هو العمل
بالمناسبه ( بلدينا اتجوز واحده وفى الصباحية بيصحيها بيقولها إصحى يابت قالتله ماهو من خبتك انا لسه بنت
هههههههههههههههههههههه
والان اسألكم لوتعرض احدكم لما تعرض له خالى ماذا كان سيفعل بى ؟؟؟؟؟؟؟؟؟؟؟؟
شـــــــــــــــــاعـــــــــــــــ اللاقة ــــر

اغبى تجربه ياسيدى لسه حاصله دلوقتى حالأ
كنت بوصل نت ليا من واحد صحبى وأول ما وصلت الكابل فى
الجهاز النور قطع فى المنطقه كلها يجى حوالى ساعه
وصاحبى كان بيدعى عليا
على اللى عملته فيه
بس الحمد لله النور جه وجيت اوصل
مشتغلش
ومش عارف ده غباء منى ولا من الكهرباء
وشكرأ ياسيدى على الفضايح دى
وتقبل مرورى

شكرأ ياطائر على مرورك الكريم
واتمنى لك انا وكل أعضاء المنتدى

بقضأ أحلى وأسعد ألأوقات معنا

متشكر جدآآآآآآآآآآآآآآآآآآ يامومدى على الموضوع الجامد جدآآآآآآآآ وانا بقا يامودى اغبى تجربه فى حياتى لما نسيت مفتاح المصنع ورجعت البيت علشان اجيبه نسية ودخلت اكول كان اكل كفته ونزلت منغير ماخد المفتاح هههههههههههههههههههههههههههههههه مرسى جدآآآآآآآآآآآآآآآآ يامودى على موضوعك وتقابل مرورى

أنا مفتكرش انى عملت حاجه فيها زكاء علشان افتكر اغبى تجربه فى حياتىهااااااااااااااااااااااااااا

ايه ياجون الجمال ده انت دايمأ كده همك
على بطنك أرحم شويه

نسيت المفاتيح فااااااااااااااالح

وشكرأ على مرورك الجميل

سلام بقى علشان اروح أكل

الله الله الله
ليه ياعم كده انت هتخلينى اخد عنك فكره
مش حلوه ليه
انت برده أكبر من كده يا أمبراطور
وتسلم ياعم على مرورك
الجميل

مودى

اتفضلو اغبي موضوع حصل في الدنيا من نايت مير
انا كنت سمعت من صاحبي ان صحبته حلوه وكده وهما بيعدو معظم الوقت الوقن علي الفيس بوك
فطبعا الزكاء خدني وفعلا كنت زكي احد حصل الي حصل
المهم مش هطول عليكم

انا دخلت (id) علي الفيس بوك وكنت حاطط صوره ريكي مرتن وكنت قايلهم ان انا واد فتنس وعضلات ولياقه ورشاقه وايه لحد متعرفت علي وحده وكانت عايز تقابلني وانا كنت قايلها ان انا عند21 سنه
وهيا عندها 22 يعني مش مشكله السنه انما اخويا في يوم حطلي صوره ليا حقيقي علي الفيس بوك
ولما شفوني بهدلوني شتايم

لووووووول وكلهم انتا اللي فيتننس واللياقه دحنا قولنا عليك الشحات مبروووك

وكل ده بسب الوووووووووووووووووووووووووووولات

الللي مش فاهمين فيها ونفسهم يفهمو فيها

م ع

$اغبى تجربة فى حياتكم C:\Documents and Settings\Administrator\Desktop\nigthmare$

فعلأ يانيت اللى مش فاهمين فيها ونفسهم
يعملوها فى الأخر بتتعمل علينا احنا
ايه ياعم ده دى أغبى تجربه ليك ولا للى فى بالى
هههههههههههههههههههههههههههههه
هههههههههههههههههه
هههههههه

مودى

» حوار .. اغبى منه مافي بين ولد وبنت