الفرق بين كمبيوتر الولد وكمبيوتر البنت

السلام عليكم ورحمه الله وبركاته

اولا جهاز البنت

من النظرة الاولى من بعيد للشكل العام للجهاز
تلاقى الجهاز نضيف ومرتب وحواليه دباديب او عرايس او لعبها وتلاقيها لازقة عليه صور فراشات او صور رقيقة وقلوب وحجات كلها دلع ورقة وتلاقى كرسيها نضيف وسليم وشكلة حلو ومحطوط بشكل صحيح ادام المكتب
تفتح الجهاز تلاقى صوت نغمة رقيقة مع فتح الجهاز وحاطة خلفية صورة رقية شخصية ليها او صورة بنت جميلة او وردة

تقلب فى الملفات تلاقى اسماء الملفات عندها جميلة زى

صور اطفال
صور فساتين
صور موضة
افلام رومانسية
اغانى عاطفية

تفتح الهيستورى بتاع الجهاز تلاقيها كانت مشغلة حجات زى

فيلم تيتانيك
مواقع نكت
مواقع موضة
منتدى الوحوش
اغنية تملى معاك
اغنية بهواك
مواقف كوميدية

تفتح الميل بتاعها تلاقيها حاطة نك نيم رقيق زى

بنوتة شقية
دلع
حبوبة
حب عمرى

لو دققت شويه فى تاريخ تسطيب الويندوز ممكن تلاقى الويندوز شغالة معاها من حوالى 7 او 8 شهور متغيرتش
تيجى تشم ريحه الجهاز تلاقى رحتة برفان جميل
ولما تيجى البنت تقفل جهازها تلاقيها قفلت الحجات الى مشغلاها حاجة حاجة وبعدين تدوس شت دوان وتسمع نغمة رقيقة
والجهاز بيقفل

-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

نخش على اجهزة التماسيح

من النظرة الاولى للجهاز ووضعه من بعيد تحس انك داخل على حاجة شبة التوكتوك الى عامل حادثة ومطلعينه من ترعة
تلاقى الكيس مفتح من كل ناحية وفيها خروم غريبة ولو بصيت جواها تلاقى فيها حجات ومواد غريبة غالبا ممكن تكون مشتعلة وملهاش اى علاقة بالجهاز
وتلاقى الهارد متعلق زى الدبيحه من السلك بتاعه ومتعرفش لية
وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم مية
وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحدو
الشاشة ممكن متلاقيش قعدتها اصلا
وممكن متلاقيش غطاء الشاشة الخلفى برضو كنوع من انواع التهوية
ولسعات سجاير وطفاية فى كل حته من الجهاز
وتلاقى الكى بورد سلكها ملحم فى بعضه وزرار الانتر وبعض الازرار المهمة غالبا مش هتلاقيها
وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول بس
تيجى تفتح الجهاز وتدوس على زورار الباور ده لو لقيتة وملقتش سلكتين تلمسهم فى بعض عشان الجهاز يشتغل زى عربيات مكروباص الترامكو
يجى الجهاز يشتغل تسمع صوت كركرة غريب واصوات تانية شبيهه بالطرقعة المكتومة
تعدى كل ده وتبتدى الويندوز تفتح تسمع صوت نغمة الويندوز نغمة غريبة الجماعة بتوع ميكرو سوفت لو سمعوها هيبطلو ينزلو نسخ للشرق الاوسط تانى
تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه هو واصحابة تفكرك بالمخلوقات الفضائية
الى جاية من عالم غريب

تدخل تقلب فى الملفات تلاقى اسماء الملفات غريبة وعجيبة

حشحش
دحدح
بتنجانة
صور معيز
صور حوادث
مصارعة

و 70% من الملفات هتلاقيها تحت سلسلة اسماء

New Folde11
New Folde12
New Folde13
New Folde14
الى ما لا نهاية

تفتح الهيستورى بتاعه تلاقى اخر حجات شغلها زى

ساو 3
ديد سيلنت
اغنية البلح البلح
صور مصارعين
كليب بوس الواوا
اسماء مواقع تخاف اصلا تخشها
نكت حشاشين
وطبعاً منتدى الوحوش

تفتح الميل بتاعه تلاقيه حاطط نك نيم يرعب البنات

الشيطان 10
البجح
سفاح المعيز
المحشش
كمبورة
عاشق الموت

لو دققت فى تاريخ تسطيب الويندوز ممكن تلاقيه مسطبها قبل متيجى بساعتين

طبعا ريحه الجهاز هتلاقيها شبة متور العربية المحروق
ولما يجى يطفى الجهاز لو فاتح ايه ميقفلهمش واحده واحده لا شد الكابل على طول من غير تفاهم اكنه بيعزب كافر
لانه طبعا ميعرفش حاجة اسمها امر شود داون

كمان لو فى فلاشه يا لهوى
فلاشه البنت نضيفه ورحتها حلو وبالغطا بتعها وفى علبتها
اما فلاشه الشباب
طالع عينها مكسوره ومن غير غطا اصلا وتحس ان قطر معدى عليها ومفرومه

هههههههههههههههههههه

جامد جامد جامد جامد

الموضوع مالوش حل يا مودي

ضحكتني للصبح

خلتني ابص على الكيسة وانا فاتحها من الجمب

يخرب بيت عقلك

هههههههههههههههههههههههه

عســـــــــــــــــــــــــــل

يا ابنى انت عليا النعمة كبير والله اية الموضوع الجامد دة خلتنى اضحك وانا ماليش نفس للضحك بس يا عم مودى ما تجيش علينا جامد كدة دا احنا غلابة والله

هههههههههههههههههههه
جميل جدا يخربيت عقلك
بس معقول هو لو الجهاز كدا
هيشتغل اصلا دا يديه لبتاع الروبابيكيا
دا لو رضي ياخده اصلا
الموضوع روعه يامودى ياعسل
تقبل مرورى

ههههههههههههههههههههههههههههه
هههههههههههههه
هههه
على فكره يا أبو على انا مستوحى القصه دى من عندى
ومن اللى انا عامله فى الجهاز بتاعى
زيك بالظبط
لأ يا أموره وأوسخ من كده كمان وبيشتغل
دى الأجهزه ماتت مننا
وشكرأ على مروركم الكريم اللى نور
جهازى

الله الله الله
ايه ياعم انت هتفضحنى ولا ايه ياعم
هو ده جزاتى انك دخلت بيتى
كده بتفضح الكمبيوتر بتاعى
ماشى ياعم
ايه ده هو الكلام مش عليا طيب الحمد لله

هعمل ايه بس ياصحبى أنت اللى فضحت نفسك
ده جهازنا كلنا مفيش حد جهازه مش كده
ولا ايه ياعم أمال لوشفت جهازى
كل حاجه سليمه بس لوحدها
هههههههههههههههههههههه
وشكرأ لمرورك

مودى

بس الله الرحمن الرحيم

ثم اما بعد

من غير سلام ولا كلام هدافع عن بنى جنسى ضد مودى الهمام الى فضحنا

ليه الكيسه عند البنت جميله ومقفوله وبحالتها

عشان ملهمش فيها اصلاً لكن احنا الله علينا بنمد ادينا

فى اى كمبيوتر ونروق الروقان كله عشان كده قليل لما

ولد يورح بالكياسه عشان يعملها صيانة

ثم احنا فى عصر السرعة مسامير ايه اللى هتفضل مربوطه ف كيسه

لكن البنات غلابه كل ما الكيسه يتعمل فيها حاجه توديها صيانه

احنا أساتذه صيانه اصلا مولودين فى ادينا مفك والا ايه

واذا كان على الشكل العام يا سيدى فدى مسأله ازواق وحريات

مش احنا فى زمن الحريات

مش كده والا ايه

*************

الوتر الحزين

أيوا انا معاك أحنا فى زمن الحريات
بس ديه مش حريه ديه أسمها
؟؟؟؟؟؟؟؟؟
مش عارف والله ديه أسمها ايه
بس يلا محدش بياكلها بالساهل
وشكرا ياعم على الدفاع الجامد ده ضد جنسك

مودى

ليه كده ياعم بتشردناليه بس ينفع ياعنىاهو انتو اللى مبوظطين صورتنا قدام الناس

ياعم ولا تشرد ولا حاجه
احنا متشردين خلقه
ولا ايه
بزمتك اوصف كده شكل جهازك

مودى

ايه ياعم ليه كده هو على فكره
مش زى الكمبيوتر بتاعى خالص ده حتى الكمبيوتر
بتاعى شيك جدأ وانت اكتر واحد صينته قصدى شفته
ولا ايه يامودى

ميرسى كتيييييييييييييييييييييير
جهازى بيشكرك جدا
وبيقولك ممكن صورة معاك
وعلى فكرة هو حاطط النهاردة برافان جميييييييييييييييييييييييييل
بس ياريت تحمى جهازك قبل ماتجيبو
عشان الميكروبااااااااااااااات
ولو عندك كمبيوتر بايظ اوعا ترمية
اقولك تعمل فية اية

وان فضل حاجة احرقها عشان زهقت

ده أنا هعمل الكيسه جزامه والشاشه
هعملها حوض سمك والهارد هعمله ديكور
وياسلام على السي دى هعمله مقلمه
والكيبور هعمل الزراير بتاعته لعبة جمع وأكسب الماوس

وشكرأ ياشوشو على مرورك وأختراعاتك
الجامده ديه

» الفرق بين الشباب والبنات في الفسحه
» مقارنه مضحكه بين الولد والبنت جاااااااااااااامدة جدا
» الفرق بين الرومانسيه والحب