عبط عقلك الباطن أهداء لصديقى ماجيك

العالم بتوع التنمية البشرية بيقولوا لك لما يكون عندك ( مشكلة ) ما تقولش عليها مشكلة !!

سميها أي اسم تاني غير اسمها الرخم ده ,

سميها مثلا ( تحدي ) ,

طبعا جوهر المشكلة لم يتغير , لكن احنا بس هنغير اسمها فقط ,

و لما نغير اسمها هنلاقي إن جناب ( العقل الباطن ) بقى بيتعامل معاها بطريقة تانية ,

بدل ما كان بيتعامل معاها كـ(مشكلة) رخمة و صعبة و تقيلة على قلبه ,

بقى يتعامل معاها على إنها ( تحدي ) , شيق و محفز و فيه منافسة علشان يحلها ,

يعني غير تعامله مع نفس الحاجة لمجرد إن اسمها تغير!!

شفت العقل الباطن عبيط إزاي ؟؟

بس عاوز اللي ياخده على قد عقله ,

أبسطها لك بمثال سهل و بسيط و في مستوى الطالب العبيط :

الواحد كل ما هو ماشي في الشارع بيحاول يغض بصره على قد ما يقدر ,

و ساعات بيقدر و ساعات ما بيقدرش

و حتى لو قدر بيقدر بصعوبة جدا ,

لأن عقله واخد العملية إنها محاولة لمقاومة الطبع البشري - الذي يميل للنساء - بأن يمتنع عن النظر للـ(مزز) ,

لو الواحد مثلا جرب يآخذ الموضوع بطريقة تانية ,

و تخيل نفسه في لعبة كمبيوتر ,
و إنه كل ما يبص لبنت الـ(life)

بتاعته نقاطها هتقل ,

و كل ما (يلمح) - مش يبحلق - واحدة جاية يقعد يقول في نفسه :

مش هبص , مش هبص , مش هبص ,

لحد ما تعدي

و يقول بعدها : الحمد لله , الحمد لله , الحمد لله

و يتخيل نفسه من بعيد و كأن 100 نقطة بيدخلوا جواه في اللعبة ,

و يتجهز علشان يكسب الـ100 نقطة التانيين
و هكذا ,

العملية شكلها أهبل و عبيط ,

بس صدقني , خد عقلك الباطن على قد عقله ,

و غير له أسامي الحاجات الوحشة بحاجات حلوة ,
و هتلاقيه ماشي معاك زي السكينة في الحلاوة إن شاء الله

هذا الموضوع أهداء لصديقى علاء

وأتمناله كل خير وتوفيق فى حياته

.

الهدية مقبولة يا معجزة ايى الحجات الجميلة دى يا بروفسير مودى
وبرضو مش غريبة عليك مانت خبير فى علم النفس برضو
الله صدق برضو نفس العادة كنت هانسا اقولك د/ ايهاب ماجد بيسلم عليك
هههههههههههههههههههههههههههه
وحدة بوحدة
يا اويست
مع كل امنياتى لك بالتوفيق
magek

انت برده اللى غلطان كنت جبته وجيت يقول علينا ايه
ناس مبتفهمش فى الأوصول
خبير مين ياعم ماحنا طلعين سوا

ما أجمل عبط عقلك الباطنتقبل مرورى يا مودى

جرب كده تضحك على عقلك وشوف
ايه اللى هيحصل هيطلع عبيط بشكل
مرورك مقبول يا معلم

مودى

طب افرد انى انا عبطة مش ممكن

يسوق فيها ويبقى كدة على طوول

وتقبل مرورى

اراهنك انك أصلأ فاهم
اللى انت كاتببته بس اقولك
انت سادق مدام قولت عبط يبقى
انت صادق

وشكرأ ياجوكر على مرورك

حبيبى مودى
المشكله ان احنا لما بنقع فى مشكلة
بنخليها مشكلة المشاكل
بس لو فكرنا فيها بعقلنية وجهة نظر تانية
هنلاقيهامحلوله من غير مشكله

اكيد طبعأ وكل واحد
وطريقته ودماغه وتفكيره
وكل واحد فاكر ان هو الكينج

» للعقل ألوان فما لون عقلك
» فلسفه ماجيك (حياتك فى قطرة ماء فلا تملاء الاناء)