أنا والجواز وأفااااااااااااك

صباح الروقان صباحو طعميه وبتنجان
والتيته في النانا والنانا في التيته وبابا اوبا اه بابا اوبا

بصوا :1:
انا مهيس فمش هطول عليكم
وادخل في الموضوعهوا...:بحبك بحبك ..بحبك للصبح ..لأ...لبعد بكرة الضهر .............لأ لأ........بحبك للتلات الجي بعد صلاة الجمعة..........مممموه..(بوسه)..!!

هي ..: وانا بحبك بحبك .....بعشقك ....علي بالي.......ولا انتا داري باللي جرالي .....عيشالك احلي سنين ..في العمر يا ضي العيين...مممموه..(زيها .)!!

(بعد سنتين ....!)

خطيبها ..: بقوِللك بعد إذنك يعني ماتدخليش ماما كدا في كل حاجة ..انتي مش مخطوبة لكيس لبن نيدو هنا .انتي فاهمة....؟!!..لكدا ..لإما الباب يفوت دبابة ..ماشي يا حلوة؟؟؟!(لازم ادبحلها القطة امال إيه ؟..هع)

خطيبتهلبن نيدو؟ ..لبن نيدوياحتةمتخلف ..يامتحدي الاعاقة ..)..م...معلش ..معلش يا بيبي والله ..مش قصدي خالص ..وبعدين ايه قطة دي ههههه ..انت عسل كدا ليه النهارده.(عسل اسود ومنيل. .يخربيت اللي تتجوزك..)..!!
(بعد ست سنين ..وأربع أشهر ..ويومين ونص ..)

مراته..: جبت السجادة من بره بعد ما نفضتها.؟؟....كويس ...اوعي تسيب البامية كتير عالنار لتشيط هه...واعمللي شوية فشار عشان المسلسل بتاع فيفي عبده كمان نص.....تفووو.(عليك وعلي شكلك). سوري مش عليك ..دي قشرة اللب ...!!
جوزها :....( الصبر....الصبببرررر...ولقد عجز الصبر عن صبري ..حتي لم يصبر صبري علي صبري.!!)....!!!

* * *

قصه بتتكرر

البت الملائكيه زي القمر باشيك لبس واهدي ميك اب واجمل عطر فواح يالهوووووووووي كده تتاكل اكل(متجيبي بوسه يا بت)

بعد الجواز وليه منكوشه صوتها جايب لاخر الشارع وهي بتجعر في العيال
واول متشوف بعلها
انت جيت يا منيل

والشاب الرومانسي اللي بيتنحنح ويسبل وبحبك ووحشتيني(تقولوش حسين الجسمي) وحبيبتي محتاج اشوفك ببقي طاير وانتي ماشيه جمبي
واغلي الهدايا وارق كلام

بعد الجواز راجل بكررررررش(زيحسين الجسمي برضه متغيرش)
كل همه القاعده قدام التلفيزيون وبيتفرج علي كليب لهيفا(هي دي النسوان دتك داهيه في شكلك)
الاكل خلص يااااااااااااوليه

تقريبا ..وبنسبة 75% ماشفتش حد متجوز بقاله فترة كدا الا و أشوفه كمان فترة دقنه طويلة وهدومه مكرمشه ..جفونه سودا..وبيكتب جواب ..وماشي ناحية كوبري قصر النيل ..

تسأله مالك يا مواطن ..؟ يقوللك معكش قلم ....؟ .. تقوله ليه ..يقوللك .هاكتب وصيتي قبل ما ارمي نفسي من عالكوبري في النيل ...!..تفتكر دلوقتي الميه تبقي سقعة ..لحسن يجيلي برد وأنا بموت ..

انا بكره الزكام أوي ...!!!!
..طبعا هنا الباشا هيس ..يعني مش اكتئاب وبس ..لأ كمان دي قلبت كلابي ...والسؤال ....

اللي ممكن يعمل كدا في بني آدم ...ايه اللي في الجواز يخللي الرجالة طول الليل تبقي عالقهوة ..والستات قرفانة من حياتها وعمالة تفش غلها في اي حاجه ..(عن طريق الضرب ..)....والاطفال ..(عن طريق الزعيق..)..والسجاجيد ..( عن طريق التنفيض ..!).

لو كده يبقي الشاب بيطلع عين ال خلفوه في عفش وشقه وجهاز عشان يقعد يعمل فشار ويشوف الخلق الزباله دي

والبنات بتتمنظر علي بعضها مين اتخطبت الاول وهعمل فرحي فييين وشقتي هتبقي فييييييين
لا واللي متخطبتش يبقي ليله امها سودا
مش هنفرح بيكي بقي
هو ده الفرح:1:
بلا وكسه.11.

...هه ..تتخيل ايه ممكن يخللي الحب جميييل كدا ..في الاول ..

والولد يبقي ليه نافش ريشه كدا ..والبنت الي حد ما لطيفة ....وفي الجواز بتقعد هي تتفرج عالتليفزيون ..وانت قاعد بتعمللها فشار ...!....نحاول نحل اللغز هنا ................

شايف؟؟..انت ده موقفك يا مونبيه.!!.رذل وهيا زي السكر معاك ..بذمتك مش مكسوف من نفسك وانت ايدك ماسكه الغطا كدا ..ونفسك تاخد ديلك في سنانك وتطير..

.

والله انت كرهتنا فى الجواز واللى اجوزو واللى عايزين يتجوزو
خد دى يا مودى والله يهدك

ده انت كرهتنى فى الجواز
ياراجل ده انا عارض قضيه
بس الحمد لله
مش هتجوز خالص كفايه
للى حصل للمتجوزين
وشكرأ ياسيدى على مروك

جوااااااااااااااااااااااااااااااااااز لالالالالالالالالالالالالالالالالالالالالالالالا
داللى يفكر فى الجواز يبقى ولع فى نفسه بجاز
وذا كان الحب فى اوله سعادة يبقى ليه فى اخرة انفض سجادة
بقى باذمة دى تبقى جوازه دانا اقعد عازب ياسادة
احسن ماتجولى بزازة
ولا انى انام جمبى دبابة واتكتف واقعد فى لزازة
ااااااااااااااااااااااه يجوازه

لا يامودى لا خد عارايسك وابعد عنى
اية ياعم الموضوع دة
انا خلاص ولا جواز ولا احزنون

انا ساكن فى عماره ست ادوار والعمارة على ثلاث شقق
وكل شقة منهم فيها ناس متجوزه من حوالى عشرة خمستاشر سنه
وطبعاً البيت مليان بالعيال بس تصدق ان انا لما بدخل البيت بتسرع
فى الدور الاول اسمع صوت صرخة ام
انتى يا بنت ستين ف سبعين ????????
وطاااااااااااااااااااااااااااااااااااااخ تلزقنى ف الطربزين
هوه فيه ايه!!!!!!!!!! ايه الحكاية!!!!!!!!.؟
ألم اللى باقى فيه من اعصاب وكمل طلوع
فى الدور التانى
حرب الكواكب فى البيبان.. إحساس العيال انهم فى سكن
عملين زى الحرفيش..وقعدين يخبطوا ف البيبان
ده طبعاً بمجرد ما يسمعوا صوت رجل طالعه فاكرين ان اللى بره هيرو
هيخلصهم من السجن اللى هما فيه
الدور التالت
فيه مرات اب مع عيال جوزها اجارك الله..مدبحة
بيبقى هاين عليه انى اقولها كده عيب وغلط لما تشتمى العيال باصعب الشتايم
لكن انت عارف ( الجبن سيد الاخلاق )!!!!!!! والا ايه
الدور الرابع
هاجر.. دنيا.. ذياد
دول اسامى العيال والغريب فى الدور ده ان الست وجوزها نفس الاسامى
بتاعتى انا والمدام انا ربنا رزقنى بالاولاد قبلهم واترجتهم يسموا اسامى غير اسامى عيالى
عشان يبقى فيه فرق.. المهم مطولش عليك الوليه مش طايقة حد يتنفس
والله يا مودى ببقى طالع الدور ده مش سامع صوت للعيال بس هيه
يالهوى يا خرابى جننتونى وتصوت بامشى جمب التربزين على طراف صوابعى
احسن تقول الصوت ياللى بره والا اخرجلك جتكم القرف فيكم وفى اللى جبكم
الدور الخامس
سلمى.. ويوسف
منتهى الرقة فى الزن نغم النغم ودوشة الدوشة
بفتح باب شقتى واخش
بيتى الجميل منتهى الهدوء والراحة والامان
والا عندك اعتراض
ههههههههههههههه
ههههههههههههه
ههههههههههه

*******
الوتر الحزين

والله بجد حرااااااااااااااااااااااااااااااااااااام عليك ليه يا مودى تفوقنى من الحلم الجميل اللى انا كنت عايش فيه وتخلينى
افكرررررررررررررررر من اول وجديد
انى انهى كل حاجه مع الانسانه اللى انا حبتها
ليحصلى زاى اللى حصل مع مع التاس دى لانى بجد مش هقدر انفض
ولا اطبخ وبجد انت عندك حق انا هافكرررررررررر
بس خلى بالك من حاجه هى هاتدعى عليك كتييييييييييييييييييييييييييير
استحمل بقى هههههههههههههههههه
شكرا لموضوعاتك الجميله يا mode

ولع فى نفسه فعلأ وبيرمى نفسه فى التهلكه كمان ياصحبى
بلاجواز بال بتاع ما أحنا عايشين زاى الفل اهو
ولا مربوطين ولا حاجه وعيشة العدبيه مفيش زيها ولا
ايه ياماجيك

**********************

ايه ياعم اللى انت ساكن معاهم دول ده كل شقه بمصيبه
لأ كله كوم وسلمه ويوسف دول كوم
لأ واللى بحاربو دول كمان ربنا يكون فى عونك ياوتر
بس مش عارف ليه انا شاكك فى هدوئك انت كمان فى بيتك ماهو
مش معقول تبقى انت الوحيد اللى ياعينى هااااادى فى البيت

**********************

حرام على ايه ياعم انا قولت حاجه
أمال لو دخلت العام نفسه أنا بحذرك
قبل ماتتدخل فى الخايه
وعااااااااااااااااايزك تفكر مره وأتنين وتلاته
والله شاكلك هتتطبخ وتغسل وتعمل الفشار

وأشكر كل من مر بموضوعى وأذاده نورأ

مودى

ولا جواز ولا اى حلجه كده زى الفلوميهة تقبل مرورى يا معلم

مفيش أحلى من العذوبيه ياعم
بلا جواز بلا بتاع

مودى