حوار مع قفا السيد فقرى

حوار مع قفا السيد الفقرى

- أى أى أنا قولت لك مية مرة ماتضربنيش على قفايا

- وأيه يفرق تنضرب على قفاك أو تاخد بالشلوت

- قطعا هناك فرق .. فالضرب على القفا فيه أستهانه ومهانة وأهدار للكرامه وبعدين أنا قفايا أتهرى حلاقيها منك ولا من غيرك.. لوسمحت شوف لك حته تانيه أضرب فيها ألا القفا كفايه حرام بقالى 29 سنه باخد كل قفا وقفا أصعب من أخوه

- أعملك أيه ماهو أنت أللى مش عايز تفهم

- أفهم أيه عدم المؤاخذه .. الحكاية واضحة زى الشمس مش محتاجة مفهومية

- أهو ردك ده حيخلينى أديك بالقفا تانى

- طب عايزنى أقول أيه

- أنت مش لازم تقول .. أقول أنا ..وأنت تسمع ماينفعش نتكلم مع بعض

- طب أدينى فرصة أقول ماهو أنت مابطلتش كلام عايز أقول مره أللى فى نفسى وأقول كل الجوايا أدونى فرصة ياناس حرام كده (طررررخ )ماشى الله يسامحك

- أعملك أيه ماهو أنت بتتدخل فى أللى مالكش فيه ولو أخدت فرصة للكلام بتغلط وتهبل وتشتم وتجيب فى سيرة الناس الشرفاء المحترمين

- يعنى عايزنى أشوف كل البلاوى أللى بتحصل وما أتكلمش أو حتى أصرخ

- ومين قال كده أحنا أعطيناك حرية الكلام ولكن بشروط ومحاذير وخطوط حمراء ماتتعدهاش لكن أنت غاوى تتخطى الخطوط نعملك أيه يعنى نبوس على أيدك

- العفو ياباشا أنا ماحدش قال لى أن فيه خطوط حمراء أو خضراء حضراتكم عاملينها أنا اعرف الخطوط البيضاء أللى مرسومه على أرضية الشارع

- كويس أنك عارف الخطوط البيضاء أللى فى الشارع ..شارعنا ياشاطر خطوطه حمراء وأشاراته حمرا على طول ومانعرفش اللون الأخضر أو البرتقانى ..

- طب يتمشى فيه أزاى الشارع ده.. لا مؤاخذه

- مش لازم تمشى فيه يا أخى ..سأعطيك مثال لو قالوا لك أن الحارة دى سد حتمشى فيها ............- طبعا لأ

- أهو شارعنا سد وسد عالى كمان

- ياباشا كل الشوارع بتصب على الشارع بتاعكم قولى طب نعمل أيه

- ههههه مش عارف تعمل أيه .. تلف وترجع يا أخى..صعبة دى .. أنما مخك الزنخ مصورك أنك حتقدر تعدى كل الخطوط والأشارات الحمراء .. عندنا مفيش مخالفات يابابا أو الكلام الفارغ ده .. ماعندناش غير أيه !! قووول

- الضرب على القفا ...طب ياباشا شوفلنا حل بدل ما أحنا عمالين نلف حولين نفسينا لحد مادوخنا.. دوخة ينى

- فيه أيه يعنى لما تلفوا حوالين نفسيكم أحمدوا ربنا يا أخى أنكم لقيتم ناس محترمه فاضيه تلفلفكم.وتمرجحكم وتدوخكم... فيه ناس كتير مبسوطه من اللف وسعيده وكافيه خيرها شرها وفيه ناس أمثالك مش عاجبها اللف وعايزه تخرج من الصف تفتكر يكون علاجها غير أيه !! قووول

- الضرب على القفا طبعا.. ياباشا أنا ماقولتش حاجة دى ناس صحتها وأمكانيتها مساعداها أنها تقدر تلف خمسين سنه كمان .. أنما أنا وناس تانيه كتير مش حمل اللف بالعربى عندنا فقر دم وفقر جيب وفقر مركب

- ما هم الفقريين أللى من أمثالك عاملين قلق وأحنا مهمتنا تظبيطهم

- ياباشا أنا ماليش مطالب غير طلبين أتنين بس الستر وأطمن على مستقبل العيال

- ماهو الستر ده ياسيد فقرى يكلفنا مليارات وحنجيب لكم منين أما مستقبل العيال حد قالك خلف ماهو أحنا عمالين نزيد ونعيد ونقول كل يوم أنظر حولك وأتعلموا من حسنين ومحمدين ولا أنتوا هنا.. عايز تخلف وتزرب عيال وأحنا نصرف عليهم ونأكلهم ونربيهم أيه الأفترى ده .. تبقى كده عايز عشرين قفا

- مش البلد دى بتاعتنا كلنا برضه ياباشا

- ههههه مين قالك كده .. ياسيد فقرى مش ربنا قال وجعلنا بعضكم فوق بعض درجات .. والدرجات خلصت ولما تفضى درجة وأنت وحظك ياتخدها يا متخدهاش

- يعنى أفهم من كده أنى مش على درجة

- أنت مجرد نمره ولو ربنا فتح عليك وبقى معاك فلوس ممكن توصل

- يعنى أسرق ولا أقتل علشان يعجبكم

- هو حد منعك يا أبنى أسرق وأقتل وأنصب وغش المهم مالكش دعوه بينا

- باشا باشا

- هيه عايز أيه يافقرى تانى

- بقالك ربع ساعة ماقمتش بالواجب أنت أيدك مابتاكلكش

- والله أنا مش خايف ألا منك ..طرررررخ خ خ
حوار مع قفا السيد فقرى 28_rev

هههههههههههههههههه
شوفتو بلدنا متفاهمة ازاى
هههههههههههههههه

طراااااااااااااااااااااااااااااااااااااااااااااااااخ
أى ياقفايه ايه ياعم ده
خلاص هو قفايه بقى ملتشه وكل ده
علشان أقول رأى ياعم والله
انا مبقولش رأي غير فى الحمام بس
هو ده المكان المناسب علشان اقول رأى بصراحه
اه بلدى بلد الحريه برده وربنا
يخليهالنا يارب
بس لو الفساد الــــــــ
طرااااااااااااااااااااااااااخ
أى ايييييييييييه ياعم انتو مش راحمين طيب عليا النعمه
لأسبهالكو
أنا داخل الحمام

خلينا فى الحمامات ارحم
نقول رائينا
ونضرب السفووون
ويبقا كدة بنلاقى حاجة احنا اللى بنضربها
شكرا لمرورك يا جميييييييييييييييييل

هههههههههههههههههههههههههههههههههههههههههههههههههههههه
اصلى جدا وموضوعك جااااامد

وتقبلى مرورى

» حوار مضحك جدا
» حوار بين الحب والحزن
» أقوى حوار بين ذكر وأنثى ... فمن سينتصر ؟؟؟