معلش يا جماعة انا كنت عايز بس اعمل مقارنة بسيطة بين اللى بيعمله The Game دلوقتى واللى عمله Eminem زمان
طبعا كلنا عارفين ان ذاجيم قرر ترك عالم الراب بعد الانتهاء من تسجيل تالت البوماته السولو وعلى فكرة الخبر دة مش جديد وفى نفس الوقت اكيدوغصبن عنى وعنك سواء بنحبه او مش بنحبه فذا جيم من انجح مطربين الراب فى العالم حاليا ومن اكتر الناس اللى بتوزع فى البوماتها يمكن بيجى تقريبا علطول بعد ايمنيم وفيفتى سينت
طيب دلوقتى هو بيقول انه خلاص تعب من النزاع والخلاف وانه هيكتفى باللى حققه فى عالم الراب طب معلش هو كان فاكر نفسه بيغنى للحب والرومانسية دة الراجل كمان مش بيغنى اى حاجة دة بيغنى Gangsta Rap ويتمنى انه يكون ساب بصمة باسمه فى عالم الراب طب معقوله تلات البومات حتى لو كانوا ملهمش حل يشفعوا للمطرب عند جمهوره بعدين مين قال ان The Docyors Advocate قد كدة بشهادة المواقع والمنتيدات الاجنيهودة طبعا يعتبر يلا شك انتصار لفيفتى سينت وG_Unit ودة الفرق بين ذاجيم وفيفتى سينت اهو فيفتى دلوقتى خلص البوم كيرتس وبيحضر لفيلم جديد وبيحضر للالبوم اللى بعده وقدر يخلى ذا جيم برا اللعبة خالص وهو مش عايز اكتر من كدةانا مش بقول كدة عشان حاجة انا مش محبى ذا جيم بس بتمنى فع لاانه يرجع تانى لعالم الراب
طيب نبص بقى للى عمله ايمنيم زمان وياريته كان موقف زى موقف ذا جيم دة لآ دة كان موقف عنصرية واحد ابيض اقتحم عالم السود اللى هو عالم الراب طبعا كل الناس حاربته بلا استثناء وتعرض كتير لمحاولات ايقاع بيه واظن فى اخ محترم هنا عمل موضوع عن النزعات والخلافات وصلت انهم طلعوا اغنية كان عاملها قديمة جدااا عن صحبته السودة اللى انفصل عنها دة كله عشان يهيجه الوسط عليه اكتر واكتر وطبعا الكلام دة كله محكى فى اغنية White America
ولكنه قدر يعدى المواضيع دى وبرغم ان اول البوم دة The infinte محققش النجاح المطلوب ومش بس كدة عملو مشكال وانفصل عن مراته كمان وكان لسه فى اول المشوار وكان ممكن يخرج من الموضوع بسهولة لكنه رفض واستمر فى الموضوع لحد ما بقى دلوقتى زى ما احنا شايفينه Eminem مغنى الراب الاول فى العالم وصاحب شركة انتاج واللى العالك كله بيستنى البومه ولو عدينا بقى الالبومات السولو اللى عملها ايمنيم هتلاقيهم حوالى 8 البومات سولو فقط بعنى عدد كويس جداا وةكان ممكن برضو يريح دماغه ويكتفى بلانتاج زى ما اتقالب لكن الراجل رفض وعزم على الاستمرار وميحرمش الناس من الموهبة اللى عنده برغم كل برضو الاعداء اللى احنا عارفينهم دلوقتىووفاة اعز اصدقائه بروف عضو فريق D12 السنة اللى فاتت
دة كله يا جماعة عشان نعرف ان ايمنيم دة حاجة كبيرة قوى العالم كله مقدر قيمتها واحنا لازم نعمل كدة ومش نسمع اغانيه عشان نهز دماغنا وخلاص اة اكيد هو له اغانى تهييس زى Ass Like Thst وThe Real Slim Shady لكن برضو له اغانى اكتر تدرس وما شاء الله العدد فى الليمون The Way I Am و Stan و Till i Collapse و HAlies Song و When Im Gone وباقى الاغانى الجامدة اللى كلنا عارفنها
دى بس ملاحظة لفتت نظرى بين قوة ايمنيم فى الماضى واللى بيعمله ذا جحيم دلوقتى واتمنى مناقشتى فى الموضوع اللى يحب
اهدائي لمودي وماجيك
