فوقي ياحبيبتي....قبل ماتلبسي في الحيط..!!

الرسالة دي مش للبنات فقط
لا الرسالة تشـمل الولاد والبنات

ممكن نلاقي ولد وقع في نفس الغلطة دي برضه

هسيبكم تقرا براحتكم

÷÷÷÷÷÷÷÷÷÷÷÷÷÷÷

ممكن نتعرف..انا فلان
اهلا وسهلا

وانا فلانة
اهلا بيكي

(شوية كلام ورغي لزوم التعرف الجديد)

انتي مرتبطة؟
لا والله
وانت ؟؟

الحقيقة انا طالع من تجربة صعبة جدا وصدمة جامدة في انسانة حبيتها مجروح جدا ومش طايق الدنيا

(صاحبتنا طبعا ما صدقت وتبدا النحنحة وهيئة الشئون الانسانية لمعالجة المجروحين تبدا تشتغل)

احم ليه بس بتقول كدة لالا الدنيا جميلة قوي وممكن تحب من جديد (وهاااااااااااااااات يا حنية)

وحبة بحبة وكلمة وراء كلمة
ويوم وراء يوووم
وتبدا الحدوتة تبدا تكبر شوية شوية

وحضرة الممرضة تبدا تداوي جرح البيه اللي ياعيني يااااا قلبي مصدوم ومجروح

وطبعا هيا في عقلها عارفة انه اكيد لما هيخف وينسي جرحه ويقف علي رجليه

وطبعا اول ما هينسي حبيبته الاولانية الخاينة الوحشة ويقف علي رجله

هيمسك في الممرضة اللي عالجته

!!!!!!!!
وتستمر الحدوتة
وتتعلق اكتر واكتر به وتقول اكيد بيحبني بس خايف يقول !!

لحد ما يجيلها في يوم في مكان بيتقابلوا فيه

ومعاه بنوتة عسولة يختي عليها وعلي طعامتها

ويقولها كويس انك جيتي
انا سمعت كلامك ونسيت الماضي وقررت اعيش حياتي

ومش هنسي وقفتك جنبي

ايه رايك في المفاجاة دي

اقدملك خطيبتي ..!!

هااااا

شايفين صاحبتنا شكلها ايه الوقتي اكيد كلكوا اتخيلتوا منظرها ورد فعلها

هااااااااااا
ايه الاخبار

اكيد صعبت عليكوا قوي وبتقولوا ايه دة وايه الندل دة

اخص عليه وعلي اخلاقه الوحشة

بقي يسيب الحلوة الطيبة العبيطة اللي كانت بتجري وراه وبتعالجه من همه

ويروح لواحدة تانية تاخد ه علي الجاهز كدة

صحيح الرجالة ملهاش امان

لالا انا بقي هقولكم بصوا من الاول للحكاية من اولها كدة
وشوفوا مين جري ورا مين
مين رضي بدور الحنين المطيباتي الغلبان
مين عيش نفسه في وهم وفسر كل كلمة وكل حركة علي انها حب واهتمام وهيام

مين قال انا هعالج واكيد بعد ما يتم الشفي انا اللي هكون رقم واحد

مين نسي ان المريض لما بيخف و بيقف علي رجله
بيحاول ينسي مرضه
واللي عالجوه من مرضه وكل حاجة ترجعه لايام صعبة شافها

واهو قام يا ستي

وشاف حياته اللي مكانش ليكي مكان فيها غير انك صديقة او ممرضة ومطيباتية

حياته الحقيقة اللي اختارها بطلتها هيا البرنسيسة اللي عرفك بيها من شوية

وقالك دي خطيبتي

شوفتي بقي انتي كنتي فين وهو فين

جرحتي قلبك الرقيق علي الفاضي

حرام تجرحي قلبك وتبيعيه لحد ولا حاسس بيه

انتي اغلي واعلي من كدة وربنا

اختاري صح

شغلي عقلك شوية قبل قلبك

حاولي تسمعي لنصايح اللي يعرف اكتر منك

ومتزعليش لو حد جالك في يوم وقالك :

فوقي يا حبيبتي

الاستاذ مودي
اسمحلى بان يكون أول مساهمة ليا
هى الرد على موضوعك الجميل دة
بس انت عار ف انى لسه بخطو اولى الخطواط نحو عالم الشباب
بس القصة فعلا جميلة واتعلمت منها كويس
انى أحافظ على مشاعر اى بنت مهما كانت صفاتها
وياريت البنات هما كمان يتعلموا
وشكرا وتقبل مرورى البسيط من أخوك الصغير
الفرعون الصغير

كلامك جميل ومظبوط وتقريبا اغلبيه الناس بتقع في نفس المشكله

ومبقاش عند الناس تفكير غير انها تفكر تكدب الزاى وتخدع الزاى

كدا بتبقي مبسوطه اوى واجمل حاجه في الزمن دا دلوقتى ان الانسان يعيش وحيد

بعيد عن الناس كلها ولو فكر يكلم الناس يكلمهم بحدود

لان بصراحه مبقاش فيه امان نهائى

ميرسي يامودى على موضوع

تقبل مرورى

لأ ده مش طرقة تفكير ديه أصلأفى الشخصيه
الواحد بيفكر أزاى يتعب نفسه ويدخل نفسه فى متاهات
ولو قعد مع نفسه وفكر شويه هتلاقى طريقت تفكيره أصلأ غلط
ومبنيه من الأساس على الغلط وياريت كل واحد يحب نفسه شويه
علشان ميقعش فى الغلط ويتكلم معاها ويتناقش وهيلاقى
الحلول لكل اللى شاغله وهيعرف الطريق الصحيح من الطريق الغلط
وألأنسان اللى بيجرح حد ده بيدوس على نفسه قبل مايدوس على حد
وشكرأ يا أموره على المرورك الجميل

منور يافرعون فى وسطينا ورحبأ بيك يامعلم
فى وسط العيله ويارب تقدى أحلى الأوقات
معانا هنا

جميل موضوعك يا موووودى
بس على الله البنات يتعظو ويفكرو ويحسبوها صح قبل
ما تحب
وتلاقى نفسها يا حرام بتجرى ورا سراب

تقبل مرورى يا مودى

يارب ياختى يتوعظو
ولا ميتوعظوش براحتهم
وحياتهم ويعشوها
وشكرأ على مرورك يا شوشو